【如果比人奶腳嗰位係你女朋友，你會點做】
我諗大家都知hkcc既ocamp相比人放上網,重點係個女仔比兩個男仔奶腳！嘩我真係睇到眼都突埋出黎,聽講個女仔仲有男朋友,個男朋友知道之後已經狠飛呢個女仔。唉希望個男朋友唔好咁sad啦，女死女還在。
不過我諗返起之前我寫過既一篇文，內容係叫人唔好阻另一半去ocamp，冇錯去ocamp的確唔係問題(至今我仍然係咁覺得，出名淫o除外)，因為問題係你呢個人究竟識唔識得自律。
係咪人地叫你玩乜你都玩？
係咪個男仔冇啦啦拖住你隻手，你明明有男朋友仍然唔識鬆手？
係咪群眾壓力下你會變得聽聽話話？
好多野都係自己可以控制到，唔玩邊隻game絕對可以自己話事。而且大學生有獨立思考既能力，邊啲太過過火應該識判斷。
其實要尊重男女朋友唔難，只要你夠堅定同勇敢講出黎就冇問題，但如果你最後揀左好似GIF圖個女仔條路.....你就要做好分手既準備，始終唔係每個人都咁大方架。
Search